Fiskistofa - Afladagbókarvefur

  • Stækka leturstærð
  • Sjálfgefin leturstærð
  • Minnka leturstærð

Ný útgáfa af rafrænni afladagbók

Fimmtudagur, 20. maí 2010 16:34

Ný útgáfa af rafrænni afladagbók er komin út. Pakkann með uppfærslunni, ásamt leiðbeiningum um hvernig skal setja hann upp, má nálgast með því að smella á hlekkinn hér. Einungis þeir sem hafa útgáfu 2.0 eða nýrri geta uppfært í 2.6.7 með þessum pakka. Ef reynt er að uppfæra eldri útgáfu lætur uppsetningarforritið vita ef um of gamla útgáfu er að ræða. Til að ganga úr skugga um hvaða útgáfa er uppsett er hægt að fara í Hjálp -> Um í forritinu. Þá birtist hvítur gluggi með merki TrackWells og undir því stendur útgáfunúmerið, sjá mynd. Til að losa sig við gluggann nægir að smella einu sinni á hann með músinni.

Athugið: Einnig er mikilvægt að hafa .Net framework 3.5 (helst með service pack 1) sett upp.

 

Afladagbók 2.6.7 villa við að ræsa

Miðvikudagur, 22. september 2010 15:20

Borið hefur á því að upp kemur villa við ræsingu Afladagbókarforritins, útgáfu 2.6.7. (nýjasta útgáfan í dag). Þessi villa kemur oft ekki í ljós fyrr en nokkrum vikum eða mánuðum eftir að forritið hefur verið sett upp.

 

Nánar...
 

Netsamband og sending gagna

Fimmtudagur, 15. júlí 2010 10:25

Samkvæmt 3. mgr. 9. gr. reglugerðar nr. 557/2007 um afladagbækur skal rafræn afladagbók ávallt vera um borð í fiskiskipi á meðan veiðiferð stendur og þar til löndun og vigtun afla þess hefur verið lokið. Þess ber að geta að það er ekki nauðsynlegt að vera sítengdur við netið þegar fært er í rafrænu afladagbókina vegna þess að afladagbókin safnar gögnunum saman í gagnagrunn sem síðar er hægt að senda úr þegar tölvan er í netsambandi en samkvæmt 1. mgr. sömu greinar reglugerðar nr. 557/2007, þarf einungis að senda gögnin úr henni einu sinni í mánuði eða eigi síðar en innan tveggja vikna frá lokum hvers mánaðar. Þar af leiðandi er heimilt að fara með tölvuna, sem afladagbókin er uppsett á, frá borði og senda gögnin úr landi ef t.d. engin nettenging er um borð, svo lengi sem það er gert innan tveggja vikna frá lokum hvers mánaðar. Einnig geta þeir sem ekki komast með tölvuna sína frá borði orðið sér úti um svokallaðan 3G pung frá einhverri af netþjónustunum sem bjóða upp á slíkt. Það er mjög ódýr og þægileg lausn fyrir þá sem hafa ekki annan netbúnað um borð. Þeir geta þá sent gögnin úr afladagbókinni þegar báturinn er nálægt landi og í góðu netsambandi.

 

Breyting á reglugerð nr. 557/2007 um afladagbækur

Miðvikudagur, 24. mars 2010 11:46

Nýlega var gefin út breyting á reglugerð um afldagbækur, sjá hér. Frá og með 16.júní 2010 er skipstjórum allra skipa skylt að halda rafræna afladagbók. Þrátt fyrir þetta ákvæði þá verður skipstjórum skipa sem eru undir 10 BT að stærð og fiskiskipa sem eru undir 15 BT að stærð og fengu í fyrsta sinn haffærisskírteini fyrir 1. maí 2002 heimilt að halda afladagbók á bókarformi.

Fiskistofa vill vekja sérstaka athygli á eftirfarandi atriðum sem snúa að umsókn og uppsetningu afladagbókarforritsins:

  • Sækja skal um rafrænar afladagbækur hér. Mikilvægt er að tilgreina þann þjónustuaðila sem óskað er eftir að sjái um uppsetningu á rafrænu afladagbókinni um borð. Fiskistofa kemur umsókninni til þess þjónustuaðila sem er valinn.
  • Ef eigendur skipa telja aðstöðu um borð í skipum sínum þannig að ekki sé unnt að færa þar rafræna afladagbók, þá er Fiskistofu heimilt að veita tímabundna undanþágu, að tilteknum skilyrðum uppfylltum, til að halda afladagbók á bókarformi. Umsókn um undanþágu má nálgast hér.

Fiskistofa hvetur skipstjórnarmenn til þess að sækja sem fyrst um rafræna afldagbók til þess að vera öruggir með uppsetningu um borð sé lokið fyrir gildistöku. Fiskistofa hvetur skipstjórnarmenn jafnframt til þess að kynna sér vel reglugerð um afladagbækur og þær breytingar sem gerðar hafa verið á henni, sjá hér.